查詢

句子 7,529 筆

• Knkil na kksa ka seejiq ga o ini tduwa dmuuy tdruy pupuk da.

  那跛腳走路的人不能開搬運車了。
• Gnkiya na psramal hmangut ka qsurux o wada ha qun ngiyaw da.

  他預備用來晚一點煮的魚被貓吃了 。
• Iya klkul lqian su wada sjiqun embrinah sapah, ina dha kida.

  不要慫恿已經嫁出去的女兒回娘家，她已經是別人的媳婦了。
• Tmnkndux ku bngrux tmatak o bilaq bi endaan mu kingal jiyax.

  我開墾很密的五節芒時，我一天做的很少。
• Msnkngkingal nami keelgan beyluh seepuun mhuma kingal hmaan.

  我們為了把各種的豆種在一塊地而爭執。
• Tgkracih bi tuqir ka bgilaq o ki qrasun bi pha wana tama mu.

  白鼻心的路經痕跡是我父親很高興放鐵鋏陷阱的地方。
• Smksiyuk bi qngqaya mu kiya o ungat ksiyukan dahang ka hiya.

  那老是借我東西的人他自己卻很小氣不借給人。
• Hiya tnkukug ka qaya cinun nii do ini tduwa kkgun taxa kida.

  他要的這個織布器別人就不能再借了。
• Saw skkuwir nhiya nanak ka seejiq kiya, ini bi dayaw entaxa.

  那個人老是捲他自己的，從來不幫忙別人。
• Msnkuyuh na ini kla mmkay sapah naqih bi kuxul ka snaw kiya.

  那個丈夫為了妻子不會做家事而難過。
• Wada ptglbay tmgjiyal mhuqil ka hbaraw bi mrata klwaan kiya.

  那個國家的軍人因作戰精神渙散很多士兵因而戰死。
• Sklbay mu smkuxul hyaan ka wauwa ki o niqan hdur mu nuda na.

  我介意她的壞行為是我無力喜歡那小姐的原因。
• Euda na prdax sapah ka harung o sptlipax na knan ka baki mu.

  我的祖父叫我取松木外部來照亮全家。
• Saw sklituk qmpah ka hasaw qqeepah kiya o ini ku sadu hyaan.

  那工作不徹底老是喘氣無力工作的人，我沒有雇他。
• Ttlituk nami madas huling maduk bowyak o kngkingal idas mn2.

  我們每一個月兩次帶狗去圍捕山豬。
• Saw sklpax sowki ni ini usa qmpah ka busuk eimah sinaw kiya.

  那酒醉的人老是磨柴刀而不去工作。
• Tmnluway ku hiyi bubu mu mnarux psapuh o kingal hngkawas da.

  我給身體虛弱生病的媽媽看病一年了。
• Smkaxa mu kdjiyax ka seejiq ki do aji bi hmut saang na knan.

  我每天對那個人說後天時，他對我非常的生氣。
• Nmrata su binaw kntapu su nii ni, ki snduuy sunan ka pais o!

  像你這樣慢吞吞的當兵看看，敵人會活捉你喔！
• Ini pnegnalaq yahan esig ka seejiq o knhiyan dha nanak kiya.

  膿瘡不會發膿的人，是因他們個人體質的關係。
• Wada tgqi truma ka bqri o spsnalaq ta han, kika malu ngalan.

  刺的很深的刺先讓它發膿才好取。
• Gmnnreeru ku peapa ka asu gsilung do kika ini ku peebrih da.

  我多次搭船後就不會嘔吐了。
• Ana ku kmnpalah bi ka knskiyan shiga o ini ptahu ka tama mu.

  昨天天氣冷我雖然想烤火，但是我父親沒有起火。
• Ana ima empanguy qtaan ka dqras dha ga, ida ga lmingis kida.

  無論哪一個人的面孔哭喪著時，一定都在哭泣。
• “npaq bi dqras su ka laqi ta kuyuh hki” sun kuna ka snaw mu!

  我先生對我說：「假如我們女兒的臉像你的一樣那該多好呢！」
• Kingal hngkawas tnbgan mu ka qsurux do wada maaparu kana da.

  我養了一年的魚都變大了。
• Neuyug hnjilan na o maapasas knlhkah qnqan narux ka baki mu.

  原來重量像花崗岩的祖父，病重後身體就變輕飄飄的了。
• Kmnpbaya qmita tlluus ku mknhuway tminun bluhing ka baki mu.

  我祖父誤把我在細心慢慢地編簸箕當作生手。
• Kana ppdlut ga o asi kndsani kana gamil gmabal kika emptkla.

  那些鬼針草乾脆連根拔除才能清除。
• Saw skpeiyax mimah qsiya mkan nhapuy ka kingal laqi mu snaw.

  我的一個男孩總是喜歡吃飯時配水。