查詢

句子 45,800 筆

• Wada ptgrsug mkan sari brayaw nhapuy mu qnilaw tabug mu babuy kritun mhuqil ka seejiq kiya.

  那個人因為吃完我餵豬的姑婆芋的煮飼料，中毒拉肚子而死。
• Tnrutug habuk ribaw tdruy enlaxan kha ga ayug ga o empriyux bgurah habuk ribaw ka sapah na.

  把那麼多廢輪胎滾動到山谷裡的，是更換新輪胎的輪胎行主人。
• Tmkmeumal smtrung kari rudan na ka seejiq ki o “aji lngu laqi” msa msaang hyaan ka rudan na.

  那過分頂撞父母的人，他父母生氣的說：「不配當孩子。」
• Tmnkmeumal dmayaw bukung nsgan ka qbsuran mu snaw o ga ngalan mdayaw bukung Qpahan nsgan da.

  我哥哥很積極協助鄉長選舉，現在被聘為秘書了。
• Ppkneywa mu msaang smeisug ka laqi mu saw qhuni rngagan ga do kika hana ga embahang kari da.

  我講他完全無動於衷的孩子，透過嚴厲的責備威嚇時才聽話了。
• “pnmkaxa mu qmpah ka qmpahan mu” msa ka seejiq ki o ga mqneuqu da, “endaan mu shiga na” msa.

  那個人說：「我田地後天就要做完。」他說錯了，他說：「我昨天已經做完了。」
• “Euda dha mntaril hakaw utux o tmrngani aangal tunux pais ka laqi snaw” msa ka rudan seuxal.

  以前的老人說：「男孩要通過靈橋的話，就要流汗地獵敵人的首級。」
• Gnmumul tmquri tuyan gbiyan ni gmukan ka tgmu, mahun saw saman o mdka pnsaan qmsiya knsibus.

  傍晚把所含的甜粥倒進在葫蘆裡蓋起來，隔天喝起來甜得像加糖。
• Ma lu asi ka sppalah knskiyan da, plkusi mkndux lukus msa o kari emblaiq seejiq quri qrinut.

  冷為什麼一定要烤火，穿厚的衣服，這麼說的是富人對窮人說的。
• Ana pgpaqax bru babuy ptabug knan ka qbsuran mu snaw o ida mu snyaxun bi ktbnaw hici ka bru.

  雖然我哥哥把骨瘦如柴的小豬送給我養，我一定會很在意地將牠養肥。
• Gmnpeysa duhung ni wada na biqan ka seejiq ki o “steeduk na tmikan hlama” msa ka bhangan mu.

  要求木臼且人家已給他的那個人，我聽說他關著門搗糯米糕。
• Kmnpkeeru mhuma bunga qmita knan kmurih ku pusu bunga qmita ku knparu wili bunga ka baki mu.

  我祖父把我翻地瓜根看初生的地瓜有多大，當作是我再一次種地瓜。
• Kmnripuh su ka gnquan na qmlqah piyak rudux su o huya su sun ka ripuh gneguyan su kacing da?

  他誤踩死你小雞當作是虧欠你，你偷了牛虧欠的事你怎麼講？
• Pnklaani ta ha dmayaw smikul ga blbil tdruy kacing mapa qngqaya steetu elug ka kacing ga hug?

  我們來幫在上坡路拉載貨牛車的牛推一把好嗎？
• Msnklabi laqi na msdara naqih bi kuxul ka bubu na, “saani psapuh msapuh dowriq nhari” sun mu.

  他媽媽為了掀開她孩子的眼皮出血而難過，我對他說︰「趕快去眼科醫師那裡治療。」
• Ppdusay ta psqama ka bgiya ga megul knuruh sapah gaga msa su o ini su keisug tgaluk sapah ga?

  你說：「我們拿火把來燒長在屋脊的虎頭蜂窩。」你不怕延燒到房屋嗎？
• Msnpeyruh ku mhuqil huling mu buun dha puniq ka musa bi maduk ki o mdka ku wada gmrahuq laqi.

  我為了我那隻很會追獵的狗被他們用獵槍打死，我像失去了一個孩子一樣。
• Rbagan do, saw skpgrpaw madas kacing psakur qmpahan mdngu ka tama mu, kisa mtleetu karat han.

  夏天時，我爸爸總是在黎明時牽著牛去旱地犁田，這樣天氣還涼爽。
• Msnrhngun nami snalu mu kndgril ini tduwa tmayan napa ka kuyuh mu do slbangan mu smmalu duri.

  因我做的門太窄，揹的東西無法進入而與妻子發生爭執，我重新再加寬了。
• Mmrijil ku bi mkan kingal qapal blbul do “baka da, ma tuyan nbuyas ga” msa mdakar ka tama mu.

  我正要吃一串香蕉超過一半時，我父親禁止我說：「夠了，你的肚子怎麼像葫蘆一様。」
• Mmrpiq ku bi thuun mu do “iya rpiq thuun su ka sayang, lala rnpiq mu qmpahan” msa ka tama mu.

  我正想砍斷燒火用的樹枝時，我父親說：「現在不要砍，田地四周我已經砍了很多。」
• Mkkneywa bi bsukan msru kyuhan dha ka mswayi 3 gaga o hmici qmada dhyaan kana ka kuyuh dha da.

  那三兄弟各自嚴重的酗酒打妻子，他們的妻子全都棄他們而走了。
• Msnkneywa na msaang laqi ini kla jiyax mdrumut matas msluluy nami ka snaw mu, “hmuya?” sun mu.

  我為了先生無緣無故對認真讀書的孩子嚴重的責備互相吵嘴，我對他說：「為什麼？」
• Gnmsnulug mu tgaan tdruy alang paru ka seejiq bi wauwa shiga o kika lupung mu wauwa sayang da.

  昨天我在市區車站巧遇的漂亮小姐，是我現在的女朋友了。
• Tmnruway miying laqi qrinut ddjyagun ka seejiq ki o ga ngalan seejiq prngagan nsgan sayang da.

  那常找需要幫助孤兒的人，現在當選鄉民代表了。
• Kmpspapak su lmibaw glaqung dgiyaq o yaa wana isu maangal ga! glaqung dgiyaq o asi ka pnswaru.

  你想設置套腳陷阱捕捉藍腹鷳，可能只有你會捕捉吧！藍腹鷳必須用套頸陷阱。
• Asi kpdagit nak snaw ka salu isu sun ku dha o ana kingal klgan pdagit ini kla smmalu ka dhiya.

  他們要我做男用綁腿，是因為他們連一種綁腿都不會做。
• Psnpgrpaw rmqbux qmpah qmpahan mu ka seejiq snadu mu ga o marah ku smadu taxa duri muda qmpah.

  我因為我僱的工人做我田裡的工作不徹底，我重新又僱另外一位去做。
• Mqqqral nak tksadu qmpah kingal idas ka dseejiq ka o ini tuku uqun kingal idas ka knsduan dha.

  各自懶惰受雇工作的那些人，他們賺的不夠他們一個月吃。
• Iya psnradax dara msbrabang, qmita ku yaku o ga mrangah ka radax ga o ma ana ki srbangan namu?

  不要為了茄苳樹巨木而爭執，我看那巨木裡面是空心的，你們怎麼連這個都爭執呢？