查詢

句子 45,425 筆

• Msnpslumux dmurang pha durang qyutan quyu bhngil ka laqi ki o naqih kuxul ka bubu na.

  孩子因一個一個設置套頸陷阱被青竹絲咬到，他媽媽很難過。
• Sknpudung na qhuni rucing hmaqul ka radax nadas ruhaw yayung o ini na tklai ka radax.

  他把溪流暴漲漂來的巨木當作斷的漂流木搬運時，他搬不動巨木。
• Msnpypuy ku huling spqiyut na lqian mu ka seejiq ki o huya mu bui puniq ka huling na.

  我為了那個人「Puy! Puy!」這樣唆使狗來咬我孩子，我差一點用槍射殺他的狗了。
• Iya psnqbubur laqi su kuyuh saw tmaq qthur naqih kuxul, nhuya hiya ka hlawax hici da!

  不要為了你女兒身材肥胖而難過，說不定她以後會苗條喔！
• Pnqburang ku kumay tama mu miyah mkan mirit o smbu ku kingal tbowki ni kingal townga.

  我爸爸叫我埋伏熊來吃山羊時，我射中了一隻公熊和一隻母熊。
• Qnqduriq na bhragan kumay ka tama mu o mstkmu mtaqi hksaw mhuqil do wada ka kumay da.

  我父親被熊追逃，縮著睡假裝死熊就走了。
• Qmita rmurul ku mangal 3 tbowki kumay ka seejiq do tqqiyut sntama tluling mtali kana.

  人們看到我一次拿三隻公熊時，都嚇得咬著大拇指。
• Pnqlubung mu psluhay hyaan ka laqi mu ga, asi angal bru ka bowyak o mhnuk bi baga na.

  我的孩子讓他學習設套腳陷阱，他的手氣很好就獵到山豬仔。
• Ini pnegqtqit buut knan ka laqi mu kmsdrudan bi gaga, qdalan kuna pnshnuk traun buut.

  我那孝順的孩子不會給我啃硬骨頭，他給我吃燉軟的肋骨軟骨。
• Iya psnqtqit buut kacing mgrung ka gupun su naqih kuxul, usa psalu spuhan gupun duri.

  不要為了啃食牛骨斷裂的牙齒而難過，再去牙醫裝假牙。
• Gnqurug nami rawa psdka biyax dmgiyal o mtuku bi kkeudus sapah nami ka pila sngqaras.

  我們籃球比賽得的獎金夠我們生活費。
• Ga mgrahul mgrbu qmbahang kari bukung ptasan ni mha mtmay tgsaan ruwan ka laqi matas.

  學生在舉行朝會聽校長訓話後進教室。
• Mkgaaw saw mdawi mmkay ni mmiyak ka kuyuh dha kana mnswayi 5 ga o mrrrbangay ta kana.

  那五位兄弟各自都後悔說娶了懶惰從事家內外工作的妻子。
• Kkrbruk su towkan rmdrut pkmalu qnqan drsiq o asi su ka mtahu drsiq ni priyux hangan.

  你要用火焰燻的背網來治療搓漆樹引起的過敏時，你必須用漆樹起火並且與漆樹交換名字治療。
• Mkmrbu ku ka musa ptasan o mkray hidaw hana ku mtutuy, mskeeman ku bi mtaqi ka shiga.

  我想在破曉時就上學，但因昨晚很晚睡覺，早上太陽高掛才起來。
• Mmrduung bi qhuni skasu ka ngalun mu qngqaya sapah o ga ulan bgiya do asi ku alax da.

  我本來要用烏心樹做我家的建材，被虎頭蜂築巢時我就放棄了。
• Pgrduung rucing qhuni harung knan ka baki mu, “jiyun su harung mksa keeman” sun kuna.

  我祖父給我渾圓的松樹漂流木，他對我說：「你晚上走路用來當照明。」
• Msnrigaw nami qlubung ini ku dha dsi ga, saw hkawas pxal do musa ku nak isil yaku da.

  我為了巡視套腳陷阱他們沒有帶我去，下一年我就自己去別的地方了。
• Rmuay ta quri ppatas ka laqi msa ku o “iya ku rmui, empatas ku nanak” msa ka laqi mu.

  我想討好孩子讀書時，我兒子說：「不要討好我，我自己會讀書。」
• Qnruwaq na mhuma kingal lituk slaq ka lupung mu o ptkuun na bitaq ska hidaw saman da.

  我朋友把一甲地的水田秧苗插得七成，他到明天中午要補插完成了。
• Mmhakaw ku bi lawman mu bgiya siida,“pdu” si ku qmiyut bnghur bukuy do ki nalax mu da.

  我正要搭梯燒虎頭蜂時，背後被黃蜂螫就放棄了。
• Balay bi qnsjiqan ta o aji sntgan seejiq ka qqbhangun, paah pkdhug lnglungan ta nanak.

  我們真正的榮譽，並非取決於他人之見，取決於堅守自己的心。
• Kmnkala ku qnalang qmita ka seejiq ga o kla ga pgdhug smmalu qnalang qmituy ka bgihur.

  我把他看作是在攀爬圍籬，原來是在固定圍籬因有颱風的徵兆。
• Nkala bi qnalang sapah mu ka empgeeguy hki msa ku, balay bi da, asi luul ka huling mu.

  我想竊賊若是越過我家的圍牆，真的發生了，我的狗狂吠窮追。
• Tkkarih qmpah payay mdngu qmpahan hrus kana do qmpah ku payay slaq breenux ka yaku da.

  都在認真做坡地旱稻的工作時，我就做平地水稻的工作了。
• Mnkdadu hmaqul uqun rbagan ka qtahi o msngari uqun kingal knmisan gnutu na bling hiya.

  夏天到處搬運食物堆在洞裡的螞蟻，就算一個冬天吃了還有剩。
• Mnklat qmsul knan ka laqi kuyuh ki o wauwa do mstrung nami da, kla kika tamas na mnan.

  「klat」捏過我的那個女孩，小姐後我們結婚了，原來那是我們的前兆。
• Naqih tnegsaan na laqi matas ka mtgsa ga do ga tkkmeebrah hyaan kana ka laqi matas da.

  那教學教得不好的老師，學生都對他發出「hng」的呵斥聲了。
• Iya psnkneywa msaang sunan ka tama su naqih kuxul, ga tmgsa quri malu euda su ka hiya.

  不要為了你爸爸過度責備你而心裡難過，他在教導你有關好的行為。
• “sknwaun mu pqeepah qmpahan ka laqi mu ga matas” msa su o nangi su pdwian laqi hay ga.

  你說：「我要讓我在讀書的孩子做粗重的工作。」你是故意讓孩子懶惰讀書，對齁！