查詢

句子 45,425 筆

• Kmnruwan ku sapah ppyaan tdruy qrngul gmeuqu mtmay ppyaan tdruy bahu ka yaku.

  我把火車站內當作公車站進錯。
• Mmbrang ku bi qmada qbulit bbuyu siida, “hawan qbuli sqada su” msa ka tama mu.

  我正要把火灰丟到草叢時，爸爸說：「太可惜了」。
• Sdnguq mtaqi ka qbsuran mu snaw o rkrakan mu bbalaw rudux muhing do sbngut da.

  我哥哥睡覺打鼾時，我用雞的羽毛搔癢他的鼻孔他就打噴嚏了。
• Ini su srjili isil ka rngsux ga spgiyug su rngsux o empgmeenu ka qmpahan su?

  你沒有把土石流引到別處而讓他通過你的田地，你的田地會變成怎麼樣?
• Spkala mu hyaan peapa tdruy ka laqi mu, yaasa aji ku meeniq sapah mktru jiyax.

  我請他協助我孩子搭車，因為我三天不在家。
• Spkhma mu hyaan ka qhuni tluan o aji lngu ka endaan na do ini ku bgay pila da.

  我請他刨平木桌他刨得不像樣時，我就不付錢給他了。
• Saw skklung mduk rhngun sapah ka seejiq ki o mnlala bi kseengun seejiq uri da.

  關門總是發出「klung」聲音的那個人，很多次被人責罵了。
• Pnkmeebrah na rmngaw bubu ka laqi ki o smbrih lmnglung do asi qnaqih kuxul na.

  那對媽媽「hng」的呵斥聲講話的孩子，他回想時心裡很難過。
• Nklama nhari ka balung ruru hki msa ta o ini tduwa, niqan nak jiyax klmaan na.

  我們期望若鴨蛋能趕快孵化多好，但是不行，牠自有孵化的時間。
• Mtgliwaq qnapur ka pusu do musa nami gmraka bnu siyaw pnlaq miyah tmbalung da.

  東方的雲出現閃光時，我們就到海邊抓來生蛋的海龜。
• Gmnlnglung ku mhuma tlulug ka yaku o “ini iyah tlulug ka hini” msa ka tama mu.

  我想過種葡萄時，我父親說：「這裡不適合葡萄生長。」
• “kmlowyan ku bi mlukus” msa ka laqi ga o “laqi suna” msa ini sruwa ka tama na.

  那個孩子說：「我想穿長袍。」但他父親說：「不行，你還小。」
• Qmnlqluq erut qnalang mirit gmeuqu qmita pteetu ku erut knrudan na ka baki mu.

  我祖父老得誤把我在豎立羊舍圍籬的柱子，看作是在拔除柱子 。
• Pnklxlax rungay 3 hngkawas ka bngrux daya hiya o asi bi csearih ini dakil han.

  上方的五節芒被猴子摧殘三年，因此就暫時長不好。
• Lngu saw musa sgnkala matas gqringan lupung na ka laqi mu o ini nkala ka hiya.

  我的孩子想跟他朋友一起上研究所，但他沒有上。
• Tgnkala bi skaya qnalang ka rudux mu ki o qriban mu pahing do asi na kbaka hi.

  我那很會飛躍圍籬的雞，我把牠的雞翅剪了以後牠就沒轍了。
• Gnnngani ku cih uqun sun mu ka hmut seejiq aji mu gnkla o peekan ku siqa hida.

  我對不認識的人說留給我一點食物時，我覺得很不好意思。
• Ttnruway na mkksa siyaw pnlaq ka seejiq ki o bitaq saw bili mring ka lukus na.

  那常到海邊散步的人走到他的衣服都被汗水溼透。
• Tpppadus tutu djima smmalu kana ka alang do smalu ku tutu ayang samaw yaku da.

  部落都在做桂竹筒火把時，我就做媒油燈了。
• Ga mspakux mtucing ayug hika tdruy qapi pnegriq uqun busuk ka qbsuran su snaw.

  你哥哥酒駕開轎車掉落在溪谷那裡四輪朝天。
• Mnpalit likaw mhraw bowyak ka huling mu, muda pqiyut quyu shus do embrinah da.

  原來我的狗快速的追山豬，被眼鏡蛇咬到時就折返了。
• Ima ka pnpalit hgliq bgurah bi bluhing mu gaga, mtbus ku manu tmikan payay da?

  我那新的簸箕是誰弄破碎的，我搗的稻穀要用什麼篩了？
• Ini sruwa smkuxul rsagan mu ka tama na do gmpangus dqras tmaan na ka wauwa da.

  她父親不同意女兒喜歡我兒子時，她就對父親板著臉生氣。
• Wada daan mapa rngsux kana ka sapah dha do tppanguy lingis kana ka alang hiya.

  他們的房屋都被土石流沖走時，那個部落的人都難過得哭喪著臉。
• Msnpaq nami tmaq qmqah kuyuh mu ka seejiq kiya o nowxay ka miyah smahug nhari.

  那「paq」踹我妻子的人，幸好他及時來賠罪。
• Sknpaq na qmita knthuk bowyak twqitan nangal tama su ka hana mdhriq nangal na.

  他把捕到的年輕山豬，看作是你父親捕到長有獠牙的公山豬一樣。
• Truku ga, nurug dha seejiq Nihung do ana kuyuh mkpdagit snaw ka musa qmpah da.

  太魯閣族學日人，連婦女帶男性綁腿去工作。
• Mnegphadut bi knan musa qmpah spuhan ka wauwa ga o yaasa ini slhbun quri knan.

  那女孩子請我送她去醫院上班，因他對我很放心。
• Tpphug basaw kana ka alang nami hiya sayang o tmaga ku kciyan mu masu ka yaku.

  我們部落現在都在採收小黍，而我在等待我小米的採收期。
• Pnpkbarah kndadax knddaxan tmalang ka laqi na o hiya ka mangal tgbrah bi duri.

  他的孩子在起跑點臨時起跑，而他又得第一名。