查詢

句子 4,425 筆

• Kmnramas qmita tuqir barit muda kruh dxgal ka laqi nirih mu qbsuran snaw.

  我表哥的兒子把鼬獾在乾地的路徑，當作是獵物不明顯的路徑。
• Spramas mu rmngaw ka nuda laqi na do saw saman prngagan dha powda uri da.

  我講一些他孩子的隱私時，隔天他們就談妥處理男女禁忌關係了。
• Ptgrbruk lukus na sqama baga ka tama mu o mk9 jiyax mnegeiyax ini qeepah.

  我祖父因在火焰上燻乾衣服手被火燒傷，九天躲著沒有去工作。
• Kmprdax ku rusuq ka qmita patas keeman o yaasa mkray biqan pila ka samaw.

  我晚上想點蠟燭看書，因電費很貴。
• Sqnribaq mu qmita wauwa mgspung dxgal ka tama mu o asi bgay kingal lituk.

  我向爸爸要土地像提親一樣的用隱喻的話，他就給我一甲地。
• Mgriyux tama mu rmiyux bi qngqaya samat puniq jiyun na tmsamt ka tama su.

  你的父親像我的父親一樣，常取獵物的各部位來交換獵槍。
• Ttruhug na siyang ka seejiq ki o ki slian na sabak siyang gimax na damat.

  那個經常炸肥肉取油的人，他收集肥肉渣來摻菜餚。
• Nrusaw su ana kingal libu ka hmaan payay dhquy da, ma ta aji emphlama da!

  你應該整平至少一分地的水田插糯米秧苗，我們不能搗糯米糕了！
• Reesani mgay nirih su tama ka pucing mu nii, iya tgsai msa ima ka mnegay.

  這把獵刀偷偷的送給你叔叔，不要告訴他誰送的。
• Gmhici ku gmbrinah 1 mneudus babuy o “tayal ki da”msa msiqa bi ka empaama.

  我回報一頭豬時我的準女婿不好意思地說： 「太多了。」
• Nkhramay bi qtaan binaw laqi su rbnaw ga, pskktayun dha empgeeluk dmuuy o！

  若你的嬰孩胖得皮膚光滑，看看他們會爭先搶著抱！
• Knsdanun su qmrak kana ka tama rudux do empkrana ku rudux manu ka yaku da.

  你把公雞全都抓了，我怎麼繁殖雞了。
• Pplhlah na libaw tkurih knan ka tama mu o asi na ka spgan ka gasil lnibaw.

  我父親叫我去卸開竹雞的套頸陷阱，他一定會數算陷阱的繩子。
• Xiluy negay tama su ga, tcingan mu do wada maapakung tdhug msamu sapah da.

  你父親給我的鐵料，我打造成固定房屋的M型釘了。
• Ttpealix na likaw qmlubung ka tama su o bitaq 30 qlubung kngkingal ensaan.

  你父親經常快速的設置陷阱，每一趟就設置三十個陷阱。
• Gnpngpang ku kmhama mgrbu ga, nangi na smdangaw hidaw do tayal uray mu da.

  我早餐沒胃口吃不多，太陽剛剛升起時，我很餓了。
• Msnpuhak ku sangi wada mqhdu mkpayi snkwian do “mdamat ta manu da” msa ku.

  我爲了胡瓜的嫩果被蟲吃到枯萎就說：「要吃什麼菜了呢。」
• Saw sqqicing hmaan dha lmbay ka tama na o yaasa mhnuk bi uqan ka lmbay na.

  他父親總是在背陽谷地種山藥，因為它的山藥吃起來很嫩。
• Ttququy na brunguy mapa mshjil ka tama mu o ensuwil mkruh mtaqi uqan rbuk.

  我父親經常揹著裝高背簍的重物，有時累得沉睡了。
• Ini bi pnegkrabi sapah seejiq ka tama mu, ana hmuya ida asi ka dhuq sapah.

  我父親不會在別人家過夜，無論如何他一定回到家。
• Gmnpsrmun smcimu damat smrbu ka ina mu o tayal huaw nami ka musa qmpah da.

  我媳婦把早餐的菜放的鹽巴很鹹，我們在工作時很渴了。
• Emprpiq ku tntakan mu ka paah saman o niqan mu bi mha kingal iyax sngayan.

  從明天起我要砍斷我新墾地周圍的樹枝，我可能會花一個星期的時間。
• Pnshada bbuyu ka hiyi samat o ini dhuq sapah wada sbgay seejiq strung elug.

  在山上煮熟的山產不會留到家裏因為在路上遇人就給他們吃了。
• Mmlibu ku bi tbgan mu bowyak do “ma su lu tmabug samat da!” sun ku tama mu.

  我正要建圍籬養山豬時，我父親對我說：「你何必養獵物呢！」
• Knpasir na gmqur btunux ka tama lupung mu o ungat psdkaan ana ima likaw na.

  我朋友的父親，他鑿石快得沒有人能比。
• Pnpeysa su knan ka pucing tama mu o niqan da, “yahi mangal” msa ka tama mu.

  你託我向我父親要的刀已經有了，我父親說：「過來拿。」
• “Nii kgguun narux ka tama” sun mu rmngaw qnawal pgklaun mu ka yami mnswayi.

  我要電話通知兄弟姊妹說：「父親病危了。」
• Mkmpnsuwit bi ka swayi mu kuyuh o “ini tduwa pnsuwit ka kuyuh” sun tama mu.

  我妹妹很想吹口哨，但我父親說：「女孩子不能吹口哨。」
• Prqdgan kuna mgay puniq mriqi ka lupung mu o ini mu baani ana kingal samat.

  我朋友隨便給我彎的槍，我連一隻獵物都射不中。
• Pnsahug mu tneuda samaw embanah mgriq tdruy o asi bi k6 kmxalan kbkuy pila.

  我開車闖紅燈就高達六千元的罰金。