查詢

句子 5,651 筆

• Ini kla pshurit qmqah tdruy do huya nami riyax dowras da.

  他不知道煞車我們差一點掉落山崖。
• Sdhgan na bi smku ka pucing na o ppeini na psykani txaun.

  他為了不想借給別人收藏好的刀。
• Mkmeita bi meysa bluhing sunan o ini iyah kari na, msiqa.

  他很想向你要簸箕但他說不出口不好意思。
• Enteetung na spkadang ka sowki na do ini mu lpxani ha da.

  他不斷地叫我磨他鈍化的柴刀，我就不再幫他磨了。
• Kjiraw o musa tmkatu dowras ini tai seejiq ka tblngan na.

  老鷹去找人看不到的斷崖上生蛋。
• Knkdra na pnsruan mu ka laqi ga o ini npusal maanaqih da.

  那個孩子受夠了被我鞭打，不再變壞了。
• Ini hari pnegkduh dhuq ni ki nusa duri ka mnegaya seejiq.

  有禮貌的人比較不會「kduh」來就走。
• Mnkeelay ku ka muda ga tqian hiya o ana kingal ini tutuy.

  我悄悄地經過睡房那裡時，連一個都沒有被吵醒。
• Ini hari pnegkhgalang mhuqil daan narux punu ka rudux mu.

  我的雞遭遇雞瘟時不太會死。
• Msnkil ku kksa ini ku dha tqnayi do embrinah ku sapah da.

  我因跛腳他們不和我同行時，我就返家了。
• Sskingal na smkuxul knan ka risaw ki o ini pd2 dowriq na.

  那個男子專一的愛我，不三心兩意。
• Wada ptgkinig bsukan mkraaw yayung mhuqil ka seejiq kiya.

  那個人酒醉踉蹌涉水而死。
• Kmnklkul laqi na kuyuh ina mu ka payi ki o ini sayang da.

  那個原來慫恿她女兒我的媳婦回娘家的親家母，現在不會了。
• Ttkluwi na pqbling seejiq msa gisu hini pais o mnlala ba.

  他經常驚嚇騙人說敵人來了。
• Pnkndadax su mmeenu, mgrbu smraq dhuq hini ka laqi su ga?

  你孩子天還沒亮到達這裡，你是甚麼時間讓他出發的？
• Pkneywa su bsukan ini qeepah ka laqi su o empaamanu hici?

  你讓孩子酗酒不工作，以後孩子會變成什麼樣子？
• Barah bi ini pnegkraji ka laqi ga msa ku o kla ga mnarux.

  我想那孩子怎麼那麼難得不頑皮，原來他生病了。
• Kmkksa ku mkraaw yayung o “Ksa ta hini.” sun ku kuyuh mu.

  我想這樣涉水過河，我妻子卻對我說：「我們走這裡。」
• Saw skksa tmgsa knan ka hiya o ini tduwa sun ksa ka hiya.

  他老是這樣教我，他卻不願意被教。
• Iya ksyxani paataqi sapah seejiq ka wauwa, ini su slhbun?

  不要讓女兒常睡在別人的家，你不擔心嗎？
• Sksiyuk su dnuuy ulan brah ka bubung quwaq o ini eru hug?

  你借有肺病用過的口罩不會傳染嗎？
• Msnkuluh nami qhuni hnyigan mu ini pndka knan knluhan na.

  我為了他雕我的肖像不像我而發生爭執。
• Ga sglabang breenux hido ini kmiyah dgiyaq ka laqi mu da.

  我的孩子因住在寬闊的平地就不想回山上了。
• Ida paah snduray na mkmlahang ku msa o ida ini lahang na.

  他從前陣子就說想做防火線，但一直都沒有做。
• Enlala huda ka shkawas o ini shuda ka hngkawas sayang da.

  去年下過很多雪，今年沒有下雪了。
• Mkmslaput su alang seejiq mnegseesu hini o siqa ta balay.

  你想在這和諧安靜的部落多嘴的話，真的很可恥。
• Asi kglawa bsiyaq ini usa bbuyu wada mgeetuq ka taxa dha.

  他們其中有一位過世就很久沒有去狩獵。
• Ini pneglawa musa rmigaw libaw tkurih ka qbsuran mu snaw.

  我的哥哥不會拖延巡視竹鷄的套頸陷阱。
• Bsiyaq ini tkmaxi ka tlayan snqsul o smllbay bi bkraw na.

  鐵鋏很久沒有彈開時，它的彈簧會弱。
• Gmnlbux ku mlawa hyaan o msmribaq nami do ini qbahang da.

  我用手吹指哨喊他，我們隔著山背時，他就聽不到了。