查詢

句子 4,425 筆

• Kkpowri qwarux ka damat ta gbiyan o asi su ka musa mangal sayang.

  如果我們晚上的菜是藤心的話，你必須現在就要去採。
• Saw skpskray hiyi na psramal psruun ka laqi mu do ini ku psru da.

  我的兒子準備被我打時老是緊繃身體，我就不打了。
• Paah snkaya ka cyaqung miyah ttama tqring qhuni o puh msa hmnang.

  烏鴉飛過來停在樹的頂端時發出「puh」的聲音。
• Tppusu dha samaw smmalu o bitaq smmalu samaw biyax phuqil seejiq.

  他們經常蓋發電廠，直到他們蓋了要命的核能發電廠。
• Tama mu o ana ga mtgputung kukul na ka putung o smayan na miying.

  我父親連火柴盒露出在他的口袋，還拼命的找。
• Wada ptgpypuy huling mhraw mirit mtakur dowras mhuqil ka tama na.

  他父親因「Puy! Puy!」唆使狗追山羊墜崖而死。
• Nqamas su nanak ka qsahur samat, lux su lu smneiyax enseejiq dga?

  你應該自己醃獵物的內臟，你何必計較別人的？
• Iya psnqnay tmbhring samat empgeeluk musa bbuyu, hmuya ka mdhjiq?

  不要為了搶著跟有獵能的人一起去打獵，互相讓不可以嗎？
• Kana qqngqaya samat o tnguraw ni pahung kumay ka mkray bi brigan.

  所有獵物的器官，鹿茸和熊膽價格很貴。
• Mgqpuring kacing balay tama su ka qpuring kacing lubuy lupung mu.

  我朋友的黃牛群像你父親的水牛群一樣。
• Mkmptrabang su pstlaman buji o ptrbangi embanah ka puwa na balay.

  你想設置箭靶時靶心做成紅色。
• Pnragak kuna smluhay smbu qraqil mirit nulan na gasil ka tama mu.

  我父親讓我學習射他用繩子綁了羊皮的活動靶子。
• Yayung ga o sknegraka mu miyah powda samaw tmqsurux ka tmuba uri.

  我把那來溪流毒魚的，也當作來電魚的一樣來監視。
• Saw mhru ka lxi djima do trramas ptuqir kana ka bowyak ni rungay.

  桂竹筍將要長出時，都有山豬與猴子剛走的路徑。
• Ttramas na qmita tuqir samat ka baki mu o klaun na pseanak qmita.

  我祖父經常看獵物不明顯的路徑，他會辨別是什麼獵物。
• Wada ptgrangay tahut sqama sapah mhuqil hika kingal laqi mu snaw.

  我的一個兒子因觀看房屋失火而被火燒死。
• Rwahaw mu saman ka pnsinaw mu masu 5 hngkawas da, iyah mimah hug?

  我明天要開我釀五年的小米酒，過來喝好嗎？
• Mha ku sgrbung pnsinaw masu tama ka sayang, klaaw piimah hici da.

  我現在要去跟著我爸爸掩埋釀小米酒的甕，也許以後會給我喝。
• Kmnribul ku llbu ribul tama mu o kla na ga skran ka ribul bbaraw.

  我把父親穿的褲子當作是短褲，原來他把長褲捲起來了。
• Wada ptgribul bbaraw pqaya mtakur dowras ka nirih tama lupung mu.

  我朋友的繼父因穿長褲被勾到而跌落懸崖。
• Kmrigaw bi musa alang Nihung ka tama mu o meisug peapa asu skaya.

  我父親想去日本觀光，他很怕搭飛機。
• Ttrihing na mapa dnngaan samat ka tama mu o ana knux ini csngiya.

  我爸爸經常把要揹的乾獵物圍圍物，連味道都不會漏出。
• Mgriqaw dowriq tama su knparu dowriq na ka baki nngalan mu kuyuh.

  我岳父的眼睛大得像妳爸爸一樣。
• Rmagan su ka musa qmita wauwa o aji empstmay sunan ka tama wauwa.

  你帶醉意去提親的話，女方的父親不會讓你進門。
• Trrubux buwax dhquy pseeluun dha mcikan hlama kana ka dhiya gaga.

  他們都在觸摸白糯米是要蒸熟搗糯米糕。
• Tgruhug bi ratuk siyang ga o ini skuxul pcsiyus damat qalu snalu.

  那在炸豬板油的人是不喜歡用植物油來炒菜。
• Gnrulung mu qmburang miyah ttama tqring qhuni smbu ka kjiraw nii.

  這隻老鷹是我趁起雲時埋伏在牠棲息的樹梢上射的。
• Mgrurul tama su rmurul 5 ptjiyal qlubung bowyak ka nirih mu baki.

  我叔公像你父親一樣一次捕到五隻山豬。
• Bhring aangal samat baki mu o sknrurul na mangal bowyak ka rqnux.

  我祖父獵獵物的獵能，一次捕兩隻水鹿像捕山豬一樣。
• Tmneagil nami mkan hlama rnbung qbulit paah bilaq ka yami mnswayi.

  我們兄弟姐妹從小都是吃用火灰燙黏的米糕。