查詢

句子 4,122 筆

• Trraraw musa qmpah kana ka laqi na 5 do ini ngali smadu qmpah seejiq uri da.

  他的五個孩子全都延遲去工作時，別人也不僱用他們了。
• Bsiyaq bi ini ku bgay kusa do asi kringat kingal lituk djima ka seejiq kiya.

  我很久沒有還債時，那個人就討了一甲桂竹林地來抵債。
• Msnrngaw nami kari mnhuling ka seejiq ki o ini ku tghuy hyaan musa bbuyu da.

  我為了那個人講下流的話，我就沒有跟他一起去打獵了。
• Qlahang ha! sgrngaw su naqih kari hbaraw seejiq hi o eumal su dha mkan hida.

  小心哈！你跟著那群說壞話的人時，你會被他們牽連挨打。
• Qmita seejiq empika ka laqi o trrngring hulis kana do kseengan rudan dha da.

  孩子看到跛腳的人都咧嘴大笑，被他們的父母親罵了。
• Mkmciyu ku bi qnnaqih seejiq o psbrinah ku nanak endaan mu do msiqa ku balay.

  我在想指責別人時我就想到自己過去就覺得不好意思。
• Pshlpis bi gmimax emu btunux gmimax bnaqig smmalu sapah qpras ka seejiq gaga.

  那個人常用攪拌砂石不足的水泥來蓋房子。
• Kmkakang pngusul pswiwil rhngun na ka seejiq ki o brigan pngusul ka sapah na.

  門口懸掛蝸牛殼的那個人，他的家是賣蝸牛的。
• Wada sgklung mduk rhngun sapah lupung na ka laqi mu o ga pksaang seejiq hida.

  我孩子跟著「klung」關他朋友的家門，被那邊的人罵了。
• Gnkmeumal na mdawi qmpah bitaq sayang ka seejiq ki o ungat pusu na sayang da.

  一直到現在更加懶惰不工作的人，到現在沒有產業了。
• Mnegnkala bi ququy dgiyaq musa mangal utux hnyigan malu qtaan ka duma seejiq.

  有的人喜歡登上山峰找美好的風景來攝影。
• Wada ptgnruway pkslikaw mgriq tdruy tksiyak pusu hakaw mhuqil ka seejiq kiya.

  那個人因為常飆車衝到橋墩而死。
• Ttpadus na hluug djima smmalu ka seejiq ki o lala negul bgiya saun na lmaung.

  那個人經常做桂竹長竿火把，有很多虎頭蜂窩他要去燒。
• Tmnparu asu gsilung trilan asu skaya ka seejiq kiya o bubu qmliqan sayang da.

  那建造航空母艦的人現在很富有了。
• Ttpnlaq na tmalang ka seejiq ga o mdka na tmalang hmut elug qmpahan likaw na.

  他在海灘跑步就像在一般田裡的路一樣快。
• Ttprqdug na smbarig naqih qngqaya ka seejiq ki o ungat musa marig qngqaya na.

  經常隨便賣劣等貨的那個人，沒有人去買他的貨。
• Ga tmpsahug mgay pila nuda na mgay rnimu euda na pgaaw bukung ka seejiq kiya.

  那個人在繳因選領袖賄選的罰款。
• Gmnpsrisig ku seejiq ki o psbrinah ku mqneuqu ta msa ku do saan mu smahug da.

  我誣蔑了那個人，我反省知錯後向他賠罪了。
• Yaku nii sa balay bi msa ka seejiq ki o ana dhiya nanak sknpsrisig na seejiq.

  那個自以為自己才是好人的，連自己人也當別人來誣蔑。
• Sqnqbubur su tgqangaw seejiq gmkray mangal gnqbubur ka wauwa su o lnglung ha!

  你把你女兒當作高貴的身價拿很貴的聘金，要想想喔！
• Ttqpah na smmalu asu skaya ka seejiq ki o pntasan na paru ptasan kkla smmalu.

  經常維修飛機的那個人是讀過科技大學。
• Pprbung mu seejiq ka kacing mu mnhuqil, naqih kuxul mu qmita ka yaku tmnabug.

  我要叫別人掩埋我死去的牛，我身為飼主的看了心裡難過。
• Kmnrdrat btunux gmeuqu qmita btunux liwas ka seejiq ki o ini kla quri btunux.

  那個人把大理石看作是粗磨石，對有關石頭是外行。
• Ga msnrijig sowki wada emputuh do naqih kuxul ungat jiyun na ka seejiq ki da.

  那人在為了柴刀的握柄斷掉，沒有所要用的而心裡難過。
• Qmnriqaw ku msaang knan ka seejiq ki o kla su ha knlgan na hi paru dowriq na.

  我以為那個人對我瞪眼生氣，原來他本來就是大眼睛的。
• Pgriqi rijig bkaruh knan ka seejiq ki o biqan mu mslagu ka hiya do asi qsiqa.

  他給我彎的鋤頭公木柄，我給他直的，他就覺得不好意思。
• Mnegririh bi snaw qbsuran na kuyuh ka klgan seejiq ki o ungat saw kika Truku.

  喜歡嫁給他姊夫來續弦的那種族，我們太魯閣族是沒有的。
• Prnaaw bi dgiyaq ka rudan seejiq tmpusu Taywang o miyah maax qhuni ka mniyah.

  台灣原住民祖先使山成為森林，而外來的人砍光森林。
• Mnqalux qqeepah ka seejiq ki o maarpla knbhgay eeniq sapah tgblaiq sayang da.

  原來因工作皮膚黝黑的那個人，現在因富有在家享受皮膚成白皙了。
• Ana sprulung qmburang ka bowyak o ida mkla, yaasa smknux ni mkla quri seejiq.

  山豬雖然趁起雲時被埋伏，牠仍會知道，因牠用聞來認人的。