查詢

句子 4,057 筆

• Msnnpguq nami dnaus cinun gupuq baki mu empgeeluk do asi ini bgay ka baki mu da.

  我們為了祖父削過編飯盒的剩餘材料而爭搶，祖父乾脆就不給了。
• Gnruway na miyah sapah wauwa ka risaw ga do meisug hyaan ka wauwa ni sqduriq na.

  那男子常常來小姐的家時，小姐害怕且逃避他。
• Kmpgrpaw ku gmduyung phmaan mu bunga o asi lu ‘maq’ quyux paru do ini ku usa da.

  我想做田畦要種地瓜時，突然「maq」下大雨，我不去了。
• Kkpila mu nanak ka jiyun ta peapa asu skaya do ungat saw ki knlala pila mu kida.

  要是搭飛機的費用只用我自己的錢的話，我就沒有那麼多的錢了。
• Qmita ku dapil kumay wada hini sayang bi do emplug ta bi kumay da msa ku meisug.

  我看到熊剛剛走過的腳印時，我害怕得可能會發現熊。
• Pqdaani phiyug ini biqi tleengan binaw lupung su paru ga, wana ha niyah na do o!

  讓你親家呆站著沒有椅子坐看看，沒有下一次囉！
• Msnqrangas nami tnrilan rapit empgeeluk qmburang do musa ku nak isil ka yaku da.

  我們搶著埋伏在飛鼠著落有抓痕累累的地方而發生爭執，我就到別處了。
• Mnblaiq ku ni paah ku musa sgqrinut seejiq do hana mu klaan ka qngqraqil qrinut.

  本來富有的我，自從去跟著窮人在一起後，才知道貧窮的痛苦。
• Mqsuqi bi rabih na do wada ptgrabih paqan seejiq mangal luqih ka saw rabih kida.

  那個愛說謊的人，因他過於說謊就被人打傷。
• Seejiq tmnrajing bgiya ki o tna wada qduriq gaing do ini skla mhraw ka bgiya da.

  挑釁虎頭蜂的那個人，他已逃得很遠虎頭蜂追不上他了。
• Mkkreyray nami kana ka ruwan sapah nami do ungat ka stmaan saw mjijil mshjil da.

  我們全家人身材各個都一樣消瘦時，提重物就沒有人可以依靠了。
• Ini pnegrhngun tmayan Qpahan Nyusan ka rhngun snalu na do hbaraw seejiq ini kla!

  他做的縣政府大門入口不明顯，很多人不知道！
• Mmrihing ku bi brayaw ka mapa payay do mgay qabang ka nirih mu qbsuran kuyuh da.

  我正要用姑婆芋當圍物揹稻作時，堂姊拿被毯給我當圍物了。
• Mrrijil smnlaan ka elug tdruy qrngul do mkkiyig mlglug tluung ka peapa tdruy da.

  火車軌道有很多歪曲時，鄰座的乘客會互相晃動。
• Ungat ka mdngu djima do gmripuh ku rqcih bngrux ka srajing mu lmaung tntakan da.

  沒有乾的桂竹時，我拿乾碎的五節芒梗用來燃燒新墾地。
• Msnrqdug ku mtqnay musa bbuyu ni wada nak ka hiya do ana kingal samat ini angal.

  因為欺騙我要一起狩獵而自己去的，連一隻獵物沒獵到。
• Msnruciq ku tunux snaw mu sknux ini trima mssang ku do “trmai ku haya” sun kuna.

  我因先生頭髒臭沒有洗而生氣，他對我說：「幫我洗呀！」
• Tnrusaw busuk eimah sinaw ka snaw mu ga, qmita laqi na mha matas do ini imah da.

  我先生曾喝酒爛醉，看到小孩子要讀書就不喝了。
• Mangal ngahan tgbrah bi psdka meuyas ka wauwa ki o tsrusuq dowriq qmrak buan na.

  歌唱比賽得第一名的那個小姐，她含淚擁抱媽媽。
• Msnruus nami musa nanak tmuba qsurux yayung ka duma nami do mkksaang nami balay.

  我們為了有些人偷偷單獨去河川毒魚而互相叫罵。
• Msnkhma qcinuh niqan teeci mgrung khma na naqih kuxul do marah marig bgurah duri.

  他因為刨平有釘子的木板刨刀斷裂而難過時，可以再買新的。
• Smkneywa na bi msaang rmngaw ka lqian na do rinah ini qbahang kari ka laqi na da.

  多次的嚴厲責備孩子，反而他孩子更加不聽話了。
• Ttpangih nami o ini nami rngii ana kingal do ungat taan mhuqil ka dudux sibus da.

  我們常常抓剪蟖，連一個都不留下時，就看不到甘蔗心枯萎了。
• Tppnru endaan dha mqraqil kana do “mnsaw ta ki ita uri” msa ku psbrinah lmnglung.

  都在敘述過去所經歷的苦難時，我心裡回想自己也曾經這樣過。
• Kmnpskrut ku mkuy qnalang babuy ka shiga o asi lu paq qmuyux do asi ku sangay da.

  我昨天想綁緊豬舍圍籬，突然「paq」下大雨我就休息了。
• Mnda hiya nanak lnglungun na ka seejiq ki han, musa pnrhulan do maapspadaw bi da.

  原來自私的人進到教會後，他變得很慷慨了。
• Qmnqada ku mnhuqil huling qmpahan dha o mha sknux da msa ku do wada mu rbngun da.

  我本想把狗屍丟到別人的田裡，我覺得會發臭就把牠埋了。
• Mmqmi bi snraki mu mtaqi ka laqi o asi lu lmluul ka huling do mskluwi lmingis da.

  我哄的孩子正要閉眼睛睡覺時，狗突然吼叫，孩子就受驚嚇哭了。
• Saw skradax rnguung gmisil qmpahan ka tama mu o kingal bi hngkawas do msburaw da.

  我父親總是在田地用山黃麻巨木橫擺做土堰，一年就腐爛了。
• Qmita mgdurug kuyuh mu ka nirih mu bubu do pgragu qbulit knan risuh mu puwa laqi.

  我阿姨看我妻子生孩子，就給我白灰燼來擦嬰兒臍帶的末端。