查詢

句子 3,887 筆

• Kkhrapas dha Mgay Bari ga, mlukus pala rmgrig ka kyikuyuh o asi saw hrahu knmalu qtaan.

  他們為了表演感恩祭的舞，婦女們穿傳統衣服跳起舞來很艷麗。
• Gnkneywa mu drumut tksadu qmpah ka pila o msngri cih uqun nami kingal idas ruwan sapah.

  我賣力受雇工作賺來的錢，夠我們全家一個月的生活費用還剩一點。
• Sqnqapah nami erut qnawal samaw psqapah pusu qhuni ka patas pgkla euda Mgay Bari Truku.

  我們把太魯閣族感恩祭的海報貼在樹幹跟貼在電線桿一樣。
• Lubug djima ga psaan hlpis bi bngbang embanah shngapan lmubug do ‘qaw, qaw’ msa hmnang.

  竹製口簧琴中放的薄銅片吹奏時發出「qaw, qaw」的聲音。
• Tmnrngring hulis brah hbaraw seejiq ka wauwa ki o dhuq sapah do ga kseengan tama na da.

  在眾人面前咧嘴大笑的那小姐，到家被父親罵了。
• Tmppeysa bi pila ddayaw na alang wada daan mapa rngsux sapah ka bukung o mqaras nami ba.

  領袖常常募款來幫助部落的房屋被洪水沖走，我們很高興。
• Kmplutut ku smmalu sapah bngbang tg2 tntunan babaw tgkingal tntunan sapah qpras ka yaku.

  我想在一樓水泥屋上接著蓋第二層鐵皮屋。
• Kkkhma su erut sapah qhuni tksadu ga smmalu sapah qhuni hi o adas ku yaku uri hug? Tduwa?

  要是你要去受雇到蓋木屋那裡刨房屋柱子的話，也帶我去可以嗎？
• Wada sgkray bi rngagan lupung na hika laqi mu ga, miyah sapah do mkray bi rngagan uri da.

  我的孩子去跟著固執不聽的朋友那裡，回家以後也很固執了。
• Mnslangu qixan quyux paru tmayan qsiya skeeman ka sapah nami o ini nami taqi kingal rabi.

  昨夜下大雨我們家遭積水，我們一整夜沒睡覺。
• Qmnqluli ku qmita lupung mu ungat qtaan tmapaq do kla su ha trbung mkttruma qsiya tmapaq.

  我把游泳的朋友看不到時，以為是溺水原來是在潛泳。
• Ini na grhingi rnabaw brayaw ka brunguy na mapa bunga do asi qgluq bunga ka lukus na da.

  他沒有用菇婆芋的葉子圍住背簍，衣服粘上了地瓜液。
• Ida bi pgkala ttqita pxal ni msskuxul o kika ksun klaun na bi ni asi tqapah smkuxul hyaan.

  或許比一見鍾情更浪漫的是，漸漸瞭解一個人之後，徹底愛上了他。
• Ini su sai rmigaw nhari ka qlubung su ga, empaapalit nanak nngari qnqan kumay ka mirit su.

  你不趕快去巡視你的陷阱的話，你的山羊可能會被熊吃到只留下碎肉。
• Msnreeru ku laqi mu ini thiyi rngagan musa rmigaw sapah seejiq do mliwang ku qnnaqih kuxul.

  我為了我孩子多次到別人家遊蕩不聽勸，難過的消瘦。
• Tnqatuk pmblux tapaq paru dgiyaq msdhpa bi sipaw ga o ga na asi pniqi hika bqrus na uri da.

  那獨佔對岸所有大平坦山的主人，他的墳墓就在那裏。
• Qblingaw ta ini ku apa samat ksaw ta ka seejiq msa ku o smknux ssamat do mkmrimu mhulis da.

  我想騙他說我沒有揹獵物時，他聞到有獵物味時，他就微微的笑了。
• Tnrutug habuk ribaw tdruy enlaxan kha ga ayug ga o empriyux bgurah habuk ribaw ka sapah na.

  把那麼多廢輪胎滾動到山谷裡的，是更換新輪胎的輪胎行主人。
• Sknegsuwit mu gsuwit tama embahang uyas kjiyraw do lngu ku mha smtrung tmaan mapa samat da.

  我把鷹隼的聲音當作爸爸的口哨聲，就要去接我爸爸背獵物了。
• Pnklaani ta ha dmayaw smikul ga blbil tdruy kacing mapa qngqaya steetu elug ka kacing ga hug?

  我們來幫在上坡路拉載貨牛車的牛推一把好嗎？
• Ppdusay ta psqama ka bgiya ga megul knuruh sapah gaga msa su o ini su keisug tgaluk sapah ga?

  你說：「我們拿火把來燒長在屋脊的虎頭蜂窩。」你不怕延燒到房屋嗎？
• Msnrhngun nami snalu mu kndgril ini tduwa tmayan napa ka kuyuh mu do slbangan mu smmalu duri.

  因我做的門太窄，揹的東西無法進入而與妻子發生爭執，我重新再加寬了。
• Mmrijil ku bi mkan kingal qapal blbul do “baka da, ma tuyan nbuyas ga” msa mdakar ka tama mu.

  我正要吃一串香蕉超過一半時，我父親禁止我說：「夠了，你的肚子怎麼像葫蘆一様。」
• Kmpspapak su lmibaw glaqung dgiyaq o yaa wana isu maangal ga! glaqung dgiyaq o asi ka pnswaru.

  你想設置套腳陷阱捕捉藍腹鷳，可能只有你會捕捉吧！藍腹鷳必須用套頸陷阱。
• Mapa ku payay ga, musa ku sgrihing kmsiyuk qabang bubu mu o asi na bqani knan ka qabang na da.

  我揹稻穀因需要圍物向媽媽借被毯，她就把被毯送給我了。
• Tayal rqdug su knan, “maah ku sapah su” msa su o tmaga ku bitaq ska hidaw o ma su ini iyah da?

  你怎麼那麼會騙我，你說：「我要到你家」，我等你等到中午，你怎麼沒有來呢？
• Isu snaw Truku o npowsa su bi qlubung qrunang dgiyaq da, mha su jiyax saw dngil sulay sapah da.

  你身為太魯閣族的男性，應該在舊獵場設置套腳陷阱了，你怎麼老是在家偷懶。
• Tksiyak ku peapa tdruy pupuk mnda tgsumux pusu qhuni ka pkil knan, aji ku mnklkil paah pncingan.

  我跛腳是因騎機車飛快衝撞樹頭造成的。
• Mtgklung bi mduk rhngun sapah kdjiyax ka swayi mu snaw do ga asi jyani qaraw smbut sulay bubu da.

  常看到我弟弟「klung」關門時，媽媽就拿細竹枝抽屁股。
• Nasi maabukung ensgan ka qbsuran su snaw o kmpspeypay ku phiyug peypay qmpringan rhngun sapah mu.

  如果你的哥哥成為鄉長的話，我想在我的家掛黨旗。