查詢

句子 4,057 筆

• Knplug mu mtakur dowras ka seejiq ni saan mu mangal o mn5 na nii da.

  我發現墜崖被我救的人，這個已經是第五次了。
• Keeman do lala bi pngrah ka liqa liqa msa bilaq bi rdax na ga karat.

  晚上天空很多星星一閃一閃的亮著小光。
• Tnpowda dowriq smlagu phiyug qmdrux mdka bnlbil gasil nii o tama su?

  用目測砌牆像用繩子拉直一樣的人，是你的父親嗎？
• Mnda ku smbu tdruy seejiq wada ungat do empsahug ku 150 kbuhug pila.

  我因開車撞死了人，遭罰款一佰五十萬元。
• Gmpskrut mlukus ka mliwang seejiq do saw kdayu qtaan ka hnyigan dha.

  纖瘦的人穿緊身衣看起來身材像螳螂一樣。
• Msnptgayaw ku miyah mumal taxa ka hiya do sndadal mu hi mkan uri da.

  我爲了他來勸和偏向一方，我就連他一起打。
• Gnptquluh mu smbu btunux ka bowyak ni mrungay do bkiyan mu papak da.

  我投石擊暈山豬頭部，就綁牠的腳了。
• Dkuyuh Truku seuxal o qgu rudux do tppung msa hmnang tminun kana da.

  以前太魯閣族的婦女們雞啼時，全都發出「pung, pung」這樣的織布聲。
• Mnqaras ku balay dmanga ka laqi mu o paru do pqnaqih kuxul rudan da.

  我很高興的養育孩子，長大了卻傷父母的心。
• Nqatar su tluung binaw tmayan ta lupung ga,aji emptluung msiqa do o!

  如果有客人來訪而你跨著坐看看，客人會不好意思坐了喔！
• Tqqaya elug paru ka hbaraw seejiq do mnegspuy elug kana ka tdruy da.

  很多人都在公路上阻擋時，車子都阻塞了。
• Msnqhdu nami mkan nhapuy ini ku dha rngaani do marah ku mhapuy duri.

  我為了他們把飯吃完不留給我，我又重新煮了。
• Tai ku ptqrngul ka dgiya ga do lala nagal mu samat, iyah dmyaw mapa.

  如果我在那座山起火冒煙的話，表示我獵到很多獵物，你來幫忙揹。
• Sqnqthur na hwinuk marig lukus ka rqling hwinuk do ini na plkusi da.

  他把細腰的衣服當作粗腰的衣服來買時，就不穿了。
• Malu na qtaan ka quji do “mqmquji ku ka yaku uri” msa ka risaw gaga.

  那年輕人看白髮好看就說：「我也想有白髮。」
• Wada ptgradus mgrung hakaw djima mtucing dowras mhuqil ka lupung mu.

  我朋友因乾易脆的竹橋斷掉墜崖而死。
• Grkaa su pais babaw dowras ha! msluung su do emptucing su dowras da!

  你不要在懸崖上監視敵人哈！你打瞌睡會墜崖喔！
• Msnrawa tbgan rungay empgeeluk marig do wada embtraw ka taxa dha da.

  為了要買養猴子的籠子而爭搶時，他們有一位負氣走了。
• Dhuq su pusu dara paru hido wada srijil quri narat ka elug sapah mu.

  你到達大的茄苳樹時，我家的路在向右歪。
• Mmrikit ku bi qnawal do “yaku mrikit na, sangay isu” sun ku laqi mu.

  我正要盤捲鐵絲時，我的孩子對我說：「我來盤捲，你休息吧。」
• Pnrmagun su peimah ka seejiq ki ga smkkari bi do huya uqi seejiq da.

  你讓喝酒有醉意的那個人話多了，差一點被別人打。
• Trrngat uqan mnarux gupun kana do mnealu ku embasi embahang ka yaku.

  都在牙痛發出呻吟時，我聽了以同理心的心酸。
• Musa su sgrowrak seejiq hido mha quru bi saw rowrak ka seejiq ki da.

  你跟著去吹牛的人那裡，那個人會更加吹牛。
• Srsganay su bi mimah ka tnegmuan baki su, gimun na mgrbu saman do o!

  你不要把你祖父的甜粥喝光，他明天早上會找哦！
• Qulung mtgrudu tqring ka rangah qrul do ida ga ruwan hika qowlit da.

  只要鼻筒樹端洞口看到有窩時，洞裡一定有老鼠。
• Ekayay ta prngat ka ga mnarux msa ku o ini ku qbahang do kla malu da.

  我想讓生病的人喊痛，卻沒聽到原來是病好了。
• Embahang hnang puniq ka rungay do asi kbowli ngungu wada qduriq kana.

  當猴子聽到槍聲後就縮著尾巴逃走了。
• Msnburux nanak mkan 1 mneudus kacing do smneiyax kana ka lutut na da.

  因自己獨佔一隻羊而他的親屬發出計較。
• Spcsngiya na prawah laqi ka tutu tahut hngak do sknux ka ruwan sapah.

  他叫孩子打開瓦斯桶漏氣時，家裡都是瓦斯味。
• Ttdxgal dha mrrawa ka laqi o sdrxalan rucinq wana bi dowriq ka bhgay.

  孩子玩到一身都是灰土只有眼睛部份是白的。