查詢

句子 4,122 筆

• Sqnqbling su laqi mqbling ka rudan o ma su sknrbnaw ka seejiq.

  你騙老人家像騙小孩子一樣的話，你怎麼把那個人看作是小孩。
• Ttqpulah na dgiyaq steetu ka seejiq ki o embiyax bi hiyi niya.

  經常登光禿山的那個人，他身體很健康。
• Tqqrum kmtu kana ka seejiq do kmtu ku rbnaw buut traun uri da.

  所有人都在「qrum, qrum」咀嚼時，我也咀嚼軟骨了。
• Iya psnqruy elug qmpahan seejiq msaang, elug na nanak ka kiya.

  別為了他人田地的路擋住而生氣，那是他自己的路。
• Iya psnquru naqih karat msaang, aji ita seejiq ka mduuy karat.

  不要因天氣越來越壞而生氣，掌管天氣的不是我們人。
• Isu laqi kuyuh ga, qqraraq su mhulis brah seejiq o qsiqa hari.

  妳身為女孩的要客氣一點，在別人面前不要大聲的笑。
• Ini pnegrawa paan tninun na ka seejiq ki o ungat seejiq marig.

  那個人編的籃子不像背籃，沒有人買。
• Wada ptgrbu mtucing dowras mhuqil ka knriwa busuk seejiq kiya.

  那個人在破曉時因酩酊爛醉墜崖而死。
• Wada ptgrbuk aapa na qmagas paah dgiyaq mhuqil ka seejiq kiya.

  那個人因從深山揹薯莨勞累而死。
• Nrbung su nanak ka sibus da, kasi su nealu mkan rnbung seejiq?

  你應該自己種甘蔗，你白白吃別人種的嗎？
• Mnegrdu bi ga niqan hbaraw seejiq ka tdruy qapi mlawa aapa na.

  計程車很喜歡在很多人的地方停車叫客人。
• Knrduung na qhuni qrul miying ka seejiq ki o asi uda smqit 50.

  那個人所找的渾圓蛇木，砍了五十棵。
• Msnreyray hnyigan na smeura bi saw mmanang seejiq ka risaw mu.

  我兒子因他身材消瘦很羨慕別人身材健壯。
• Mnegrhruh bi ini usa tnaqi na ka seejiq ga o niqan slhbnun na.

  那人睡不著動來動去是有擔心的事情。
• Ttringat na nirih kusa o ida tnbgan rngatan na ka seejiq kiya.

  他經常因債務強取財物來抵債，一定會要牲畜。
• Mtgriqi snalu na sapah ka msalu sapah ki o ungat seejiq marig.

  那蓋房子的人蓋的看起來歪歪的房子，沒有人買。
• Nririh su lhngaw rudan su ka musa bbuyu, ma su spririh seejiq?

  去狩獵時，你應該承接老人家的石穴，你為什麼給別人承接呢？
• “trnaway ta ka dgiyaq” msa nami o yahan maax seejiq mniyah da.

  我們說：「把山形成森林」，結果外人來砍伐了。
• Rrnaw su seejiq o iya tqsuqi, ini kla embahang duma ka seejiq.

  你對人開玩笑不要過分，有些人聽不懂。
• Rnagay mu hksaw mtakur binaw seejiq ga ni, sita miyah pstutuy.

  我對著那個人以玩笑假裝跌倒看看，看他會不會來扶我。
• Mgrpun nbuyas emblaiq seejiq ga o ga uqan narux mllabu nbuyas.

  那富有的人肚子像穀倉那麼大，他得了肚子腫脹的病。
• Smrsug bi nmahan na sinaw ka seejiq ki o ga mhada rumul na da.

  常常喝酒喝到精光的那個人，他得肝硬化了。
• Qulung tglayan ka klwaan do kasi krudaw kana ka seejiq klwaan.

  只要國家打仗時，人民一定會動亂。
• Gnrungay mu rmudu qbrangan o seejiq ka miyah tgeeluk qmburang.

  我所設埋伏猴子的掩體物，別人佔用來埋伏了。
• Ttruus na muda kiyig sapah mu ka seejiq ki o leulan huling da.

  經常偷偷的走我家旁邊的那個人被狗吠了。
• “bsqrun mu mkan ka seejiq ga”msa su o, nha isu ka bsqran na da!

  你說：「我要打架勒死別人」，可能你會被勒死!
• Pkdgril su smmalu rhngun sapah do mowda inu ka qthur seejiq da.

  你把房子的門作成窄小那胖的怎麼進去。
• Iya ku ha pdqrsani brah seejiq rmngaw ka bnegay mu, siqa balay.

  別當著人的面告訴他們我所給的，會不好意思。
• Qlahangi bi qngqaya namu edal bi aangal baga na ka seejiq gaga.

  那個人扒的很快，你們的東西要小心。
• Paah nami mgkla ka seejiq kiya o sknegtgut ku na kmsteita da.

  那個人從我們認識時他親切地把我當作是鄰居。