查詢

句子 3,208 筆

• Mkgaaw saw mdawi mmkay ni mmiyak ka kuyuh dha kana mnswayi 5 ga o mrrrbangay ta kana.

  那五位兄弟各自都後悔說娶了懶惰從事家內外工作的妻子。
• Tkkarih qmpah payay mdngu qmpahan hrus kana do qmpah ku payay slaq breenux ka yaku da.

  都在認真做坡地旱稻的工作時，我就做平地水稻的工作了。
• Naqih tnegsaan na laqi matas ka mtgsa ga do ga tkkmeebrah hyaan kana ka laqi matas da.

  那教學教得不好的老師，學生都對他發出「hng」的呵斥聲了。
• Asi kkuwi kana ka ga qmapur balung kadu rudux do ini klawa balung na ka bubu rudux da.

  在雞窩裡的蛋充滿蛋蟲時，母雞就不孵蛋了。
• Mtgnngani ku uqun brah hbaraw seejiq ka laqi na do mtngaang kana ka seejiq mnbahang da.

  看到他的孩子在大眾面前說留食物給我時，所有聽的人都愣住了。
• Dhuq nami biyi dgiyaq do tpputung miying kana smnguhi putung ki o tgaaw ini ekan lumak.

  我們到達獵寮時，那些忘了帶火柴在找火柴的都是不抽煙的。
• Nramus nuda mu bbuyu ka kana hiyi mu o trmaan mu dngdang ni rsuhan mu sapuh do malu da.

  我經過草叢全身刮傷，我用熱水洗澡及擦藥就好了。
• Qulung niqan ka saw qrasun o asi endka msa ‘pax pax’ pspruq qbulit blblak kana ka alang.

  只要有慶典部落都會發出「pax, pax」點燃的炮竹聲。
• Qulung msa ‘qrat’ mtutuy rmngaw ka bukung alang nami do asi nami tkpiyung embahang kana.

  只要我們的部落領袖「qrat」起來講話的時候，我們全部就傾聽。
• Mmlukus ku bi lukus hubang siida, mhulis knan kana ka seejiq, yaasa aji ku mnangal tunux.

  當我正要穿英雄服時別人都取笑我，因我沒有獵過首級。
• Tppeydang pila kana ka seejiq alang hiya o kla niqan ka mkla bi gmeeguy seejiq mnda hiya.

  那個部落的人都遺失了錢，原來有很會偷錢的人經過那裏。
• Aji sskaya qduriq ruru hashas dha o tppudul qmarik pahing ruru hashas kana ka mtabug ruru.

  那些養番鴨的人為了不讓他們的番鴨飛走，都把番鴨的翅膀剪掉。
• Kmpudung su baga mangal ina o “tayal gnealu na” mha msa tmdahu sunan kana ka seejiq alang.

  你想娶斷手的媳婦的話，全部落的人都會稱讚你說：「他真有愛心。」
• Mnegqtqit bi lubuy tqrian masu ka qowlit utux emppruq kana ka lubuy do ungat djiyun mu da.

  常咬破我裝小米袋子的家鼠，袋子都咬破時，我沒有可以用的了。
• Sknpais su qmita kana ka jiita nanak o ima mqita sunan hici, aji ta xiluy ha ita seejiq ga!

  你把自己人像敵人一樣敵視的話，人不是鐵做的以後誰會照顧你！
• Ttrhiq dha balung ka msalu emu balung o rhiq balung rudux kana ka ga dha tqrian lubuy sudu.

  做蛋糕的經常剝蛋殼，他們垃圾袋裝的都是蛋殼。
• Mkkneywa bi bsukan msru kyuhan dha ka mswayi 3 gaga o hmici qmada dhyaan kana ka kuyuh dha da.

  那三兄弟各自嚴重的酗酒打妻子，他們的妻子全都棄他們而走了。
• Niqan ttutuy su keeman o nruus su nanak ka mtutuy, tayal hnang su mskluwi mtutuy kana ka laqi.

  晚上你有事起床的話應該偷偷的起床，你聲音那麼大驚醒了所有的孩子。
• Tmraraw ppatas hangan dnhqan ka seejiq mqeepah nkana hana mangal qpahun o wada srsan hangan da.

  剛考上公務員延遲去報到的話，被除名了。
• Ga powsa hangan pgaaw bukung nsgan ka nirih mu tama o ini pnegrukal dmayaw hyaan ka kana alang.

  我大伯登記參加鄉長候選人，整個部落都不會動員幫助他。
• Ttpeypay dha pskraya klwaan o qpangan rnisuh matas peypay kana ka keelgan qngqaya jiyun tmgjiyal.

  他們將國家的標誌彩繪在所有戰爭武器上。
• Rkbul o kingal qpuruh gluq mniq ruwan pihu mirit ngalan sapuh mkan, duma mirit ka niqan, aji kana.

  羊糞石是在羊胃裡的一個硬塊可以拿來當作藥材，不是所有的山羊有，只有少部份有。
• Babaw bgihur paru do saw skpudung rucing saan dha mapa sungu dha nhapuy kana ka seejiq mtahu qhuni.

  所有燒柴火的人颱風過後總是去揹漂流木燒火煮東西。
• Wada sgneenru tmhri tama rudux hiyug lupung na ka laqi mu, ini skla qduriq tklkilan tkil rudux dara kana qayay na.

  我孩子多次跟著他朋友去惹鬦雞，來不及逃離，他的腳被鬦雞的距攻擊都是血。
• Ttkmeumal na kmsrudan ka wauwa na o tmdahu hyaan kana ka seejiq o aji wana nii, seejiq bi ni suyang bi qnseejiq uri.

  他的女兒極度孝順父母，很多人讚美她的不只這樣，人美品德也好。
• Skil mu seiyax mksa ka bubu mu o tayal saang na, “hawan misu balay wada hi kana utux mu ga, meysa su kmlkil” sun kuna.

  我帶著玩笑對母親跛腳走路時她非常生氣，她對我說：「去你的害我魂飛魄散，你要跛腳嗎？」
• Pnneenru mu murus sapuh kuwi ka hiyi qhuni supaw, lwaan mu 1 idas muda lmamu do prparu ni ungat qnqan kuwi kana ka hiyi na.

  我多次在蘋果樹上噴灑殺蟲劑，等一個月採收時，果實全都顆粒大且無蟲叮咬。
• Tppeypay klwaan kana ka seejiq alang hiya o pgkla wada mangal Tgkingal pratu dmgiyal psdka qurug qahan qaqay kana babaw dxgal.

  那個村落的人全部都掛國旗表示贏得國際足賽的冠軍。