查詢

句子 4,057 筆

• Tmnqmul ku ppatas laqi o ini nanak kdrumut do asi ku alax da.

  我強求孩子讀書而他自己不認真，我就放棄了。
• Seekan mu sapuh ka tunux mu do wada asi qupang ini knarux da.

  我為了頭痛吃了藥時，痛就消失了。
• Qulung msaang ka mtgsa do asi qqupax kari kana ka laqi matas.

  一旦老師生氣，學生就都會安靜下來。
• Qqhani bkian su mtaqi binaw pungu bqlit su ga, paqun na do o!

  睡覺的時候把你的膝蓋頂著爺爺看看，會被打喔！
• Maaquru bi mrana naqih ka narux mu do malax ka msapuh uri da.

  我的病越來越惡化，我就放棄就醫了。
• Pnsquyux mu mk3 jiyax hmalig ka waray cinun do asi kbhgay da.

  我把織布線掛起來被雨淋溼三天就變白了。
• Srnaqi saang binaw rudan su ga, qulung teuqu do hmici utux o!

  你讓老人家火冒生氣看看，一旦嘔氣的話神靈會咒詛喔！
• Ga msnrangay yayu empgeeluk ka laqi ga do hbagan taxa dha da.

  那孩子在為了爭著玩小刀，其中一位被割傷了。
• Msnrijil ku snquri na duhung do ini mu brigi ka pnblux mu da.

  我為了他雕製的木臼歪掉，我訂的不買了。
• Sknrijil mu qmita ka rawa tninun su o kla dowriq mu ka naqih.

  我把你編的籃子看成是歪的，原來我眼睛不好。
• Psruwa qnnaqih ni lingis ka srimu mu saang tama do smruwa da.

  我以道歉及哭泣向生氣的父親討好時，他就原諒我了。
• Nangi na wada psriyax dgiyaq ka hidaw do ki knegbiyan uri da.

  太陽稍微下山，傍晚就到了。
• Mnrngrang ka dxgal mu o hmaan mu qhuni do asi rrihi nraaw da.

  我的地原來是石子地，我種植林木後就形成森林了。
• Musa su sgrpla knbhgay hika isu mqalux do wana isu qtaun dha.

  皮膚黝黑的你去跟著皮膚白皙的在一起，他們就只注目你喔！
• Bsiyaq ini nami usa pngahi do asi nami qrqsug qsurux kana da.

  我們很久沒去釣魚，我們就都對魚引起食慾了。
• Tghdu ka risaw ni wauwa do saw sqrqsug quri snaw ni kuyuh da.

  成熟的男女性總是會對異性引起情慾。
• Mrrrsug nami nak mkan sinaw do ini nami sjiyal musa qmpah da.

  我們各自喝酒喝到見底時，沒有時間去工作了。
• Mnrubug hiyi na ka laqi mu daan psbkiluh do mdka aji hiya da.

  我孩子曾身體細嫩，患了疥癬之後就不像他了。
• Mmrubux bi bangah tahut ka laqi su do ngalan mu ka bangah da.

  當你的孩子正要觸摸火炭時，我就把火炭拿走了。
• Srubux su dowriq ka baga su mruciq o mha mnarux dowriq su da!

  你骯髒的手觸摸眼睛的話，你眼睛會患眼疾！
• Mmkrulu ku bi do “bqani laqi kuyuh ka rulu hug?” msa ka bubu.

  我正要戴斗笠時，母親說：「把斗笠給女孩好嗎？」
• Nrumu su nhari ka slaq qabil sapah da, emprajing qmabil do o!

  做房屋牆壁的泥漿你應該趕快攪拌，要開始做牆壁囉！
• Mnrusaw ka yayung o msuwal mk7 jiyax ka karat do mtasaw duri.

  本來混濁的河川七天好天氣後水又清澈了。
• Spruwaq su mgay hyaan ka kana tutu hlama do mhuya ka duma da!

  你要把所有的竹筒飯七成給他時，其他的人怎麼辦？
• Tbrangan na hmici qmada ka laqi do saw sgealu hmut meydang da.

  他把小孩子丟棄，讓小孩子很可憐的迷失。
• Tmndadal ku ga, ungat ku brihan uqan kuyuh do asi mu kbaka hi.

  當我娶妾後, 常被妻子咒罵的，受夠了。
• Asi kgasut dha kana ka quri hini do musa ku isil ka yaku da.

  這裏都是他們工作的起點我就在別的地方做起點。
• Gmikus ka sowbaw bi ga o ini thngili do wada tgkayuh ka 3 da.

  那個笨拙的人沒有把剌樁削尖所以三隻擦傷而過。
• Ma asi kgiyug maadowras ka sipaw ga da, uxay aji mnshaya ga?

  那對岸怎麼成懸崖的縫隙，原本不是這樣的。
• Mtgglang ka gnlangan na do saan mu smpung peermux gnblingan.

  他做的木栓子成形時我就試著插入銷口。